Bo día familias!
Seguimos traballando a Alimentación saudable. Para iso hoxe comezamos cun vídeo sobre Groovy, que é un marcianiño ao que lle encanta a comida saudable, e que rexeita a comida basura. Non lle ocorre o mesmo a Phoebe, que detesta algunhas froitas e verduras.
Déixovos o vídeo. Vimos os primeiros 4 minutos e o coementamos.
A continuación rematamos a tarefa iniciada o outro día. Déixovos unhas fotos:
Bo día familias!!!
Xa estamos aquí de novo!! Un curso máis!!
Este curso en Educación en Valores traballaremos sobre o Consumo responsable. E este primeiro trimestre dedicarémolo á Alimentación saudable.
Hoxe comezamos facendo unha chuvia de ideas para saber qué sabían sobre a alimentación, concretamente para qué serve comer. E tamén falamos sobre os alimentos que debemos comer e cales non.
Con isto chegamos á conclusión de que os alimentos sérvennos para crecer, ser fortes, non enfermar, ter enerxía,... E reflexionamos sobre qué pasaría se comésemos mal: non creceríamos, enfermaríamos,...
A verdade que a maioría sabe dicir alimentos saudables e non saudables, pero aínda hai algúns que non teñen moi claros, e que seguiremos traballando neste primeiro trimestre.
Déixovos unhas fotiños:
Un saúdo!
Ola familias!!
Debido a que o sábado 15 de maio é o día da familia, dedicamos a clase desta semana ás nosas familias tan especiáis. Tan especiáis como as do conto "Mi familia es especial", da autora Anna Rayo e a ilustradora Mónica Armiño, que nos fala sobre a diversidade familiar. Déixovos o enlace dun vídeo do conto, anímovos a que o vexades de novo cos vosos fillos e fillas e o comentedes con eles.
